سلاطة من مطتخي

الإثنين يوليو 30, 2012 1:20 pm

بسم الله الرحمن الرحيم

السلام عليكم
اليوم عندي ليكم سلاطة باردة وخفيفة مع هذا الحر

المكونات
حبات من البطاطة مقشرة ومقطعة مربعات ومفورة اي مطهوة على البخارومملحة حبات من الزيتون لتزين اخضر او اسود وقليل من البصل لنكهة فقط ومن يحب ان يكثر هذا حسب الرغبة خل و ملح و تونة حبات بيض مطبوخة
فلفل حلو اي طرشي كيما نقولو حسب افراد العيلة ندهنهم بشوي زيت ونشويهم على النار او ندخلهم الفرن ونقلبهم مرة على مرة حتى ياخدو اللون البني اي حتى يشوى نخليهم يبردو في كيس بلاستيكي حتى يسهال عليكم نقيته او تنظيفه
ونجيب الطماطم نقشرها ونقطعها متوسطة ونحط شوي زيت في مقلة ونسخن الزيت نحط فيه الطماطم ملح تتقلى ونزيد عليها الفلفل مقطع متوسط ونخليهم حتى تنشف الطماطم من ماها نخلط البطاطة مع الخايط السابق ونتركه يبرد ونضيف عليه بصل وزيتون اخضر او اسود وانصاف البيض المطبوخ

وبصحتكم اتمنى انه نال اعجابكم وتجربوه