بسم الله الرحمن الرحيـــــــــــم
يعطيكم العافية كلكم واسعد الله اوقاتكم ..
قبل يومين قعدت مع شب وانفتح موضوع الزواج .. طبعا موضوع طبيعي بشغل بال كثير من الشباب خصوصا الي مخلصين دراسة وبشتغلو .. وناقصه بنت الحلال الي تملا عليه دنيته ..
واحنا قاعدين ومبسوطين وعين الله علينا واصملا حولنا وحولينا ! ما لقينا الا الشب نط فجأة وحكى الآتي..
على فكرة انا اخوي اتزوج من منتدى ..
قلتلو طيب ممكن تحكيلي تفاصيل اكثر ؟
قال : الشغلة بسيطة.. اتعرف عليها في منتدى وتكلمو عالمسنجر فترة وبما انو هي في نفس المدينة .. فعلا اخد عنوانها وبطريقة او باخرى ( طبعا ما رضي يحكيلي الطريقة )
حكى لاهله عن البنت بس ما حكالهم انو اتعرف عليها عن طريق المنتدى ..
وراحت الحجة واتعرف ع اهل البنت وشافتها ..

بالنسبة لمحور النقاش يا جماعة هو ..
هل ممكن تتزوج بنت / تتزوجي شاب .. تم التعارف بينكم على منتدى ونشات علاقة بينكم وضلت مستمرة ؟
هل انتم شايفين انو احنا في زمن النت ممكن يلعب فيه دور ( عطيات الخطابة !! ) ؟
طيب هل الاهل ممكن يتقبلو فكرة انو بنتهم او ابنهم يتزوجو من النت ؟
هل انتم شايفين هالموضوع قريب للصح او للغلط وليش ؟
بتمنى مشاركة من جميع الاعضاء وبستنا ردودكم وآراءكم ..
بارك الله فيكم وتحيـاتي للجــميع ..

الزواج عبر النت مسألة طويلة ويحكمها العقل لا نستطيع أن نقول والله انا عرفتها عن طريق النت
يعني فيها البنت كذا وكذا ...وهو نفس الشيء البنت تقول عن الولد فيه وفيه ...أخي الزواج يعني إلتزام والإلتزام لا يوجد فيه شيء إسمه أنا أشك أو غير هذا....
نحن في الانترنت أشبه ما نكون في حفلة تنكرية ومع هذا نتناسى أحياناً هذه الحقيقة ونتصرف مع من حولنا وكأننا غارقين في الشفافية والوضوح وأغلب مرتادي النت شكلوا علاقات متنوعة و مختلفة الاتجاهات بلغ بعضها حد العمق
فالزواج بعد التعارف عن طريق الإنترنت في نظري الخاص هذا الزواج لن يستمر فيكفي فقط الطريقة التي تعرفا فيها على بعضهما , وهل سيثق كل واحد منهما بالآخر بعد الزواج ؟
سوف ترد الشكوك إليهما وقد يفهم كل منهما بأنه يعرف شخصا غيره وبهذا يكون الدمار بينهما وتكون الحياة الزوجية قد بنيت على أساس غير صحيح مضمونها الشك القاتل لكلا الطرفين وعمر هذا الزواج قصير جدا فالذي يريد الزواج على أساس صحيح يعرف إلى أين يذهب وماذا يعمل.
فالزواج علاقة حميمة أساسها الود والاحترام والتفاهم ولنجاحه لابد من توفر عدة أمور في كلا من الزوجين أهمها الديــن والأخلاق وأمور أخرى اقل أهميه مما ذكرت